М банк дэлхийн тэргүүлэх санхүүгийн байгууллага болох БНХАУ-ын томоохон банкуудын нэг Industrial and Commercial Bank of China (ICBC)-д юанийн корреспондент данс нээлээ. Энэхүү хамтын ажиллагааны хүрээнд М банкны харилцагчид юаниар хийх олон улсын төлбөр, гүйлгээг илүү шуурхай, тогтвортой сувгаар хийх боломжтой болж байна.

ICBC-тэй тогтоосон энэхүү хамтын харилцаа нь М банкны юанийн олон улсын төлбөр тооцооны сүлжээг өргөжүүлэх стратегийн ач холбогдолтой бөгөөд Монголын банкны салбарт сүүлийн жилүүдэд юанийн хамтын ажиллагааны хүрээнд хийгдсэн томоохон алхамуудын нэг болж байна.