2025 оны хоёрдугаар сарын 25-ны өдөр “Атар-4 тариалангийн тогтвортой хөгжлийн аян”-ы хүрээнд “Хөдөө аж ахуйн тогтвортой үйлдвэрлэлийг дэмжих эргэлтийн болон хөрөнгө оруулалтын зээл”-ийн санхүүжилтын гэрээнд М банк Монголын арилжааны банкуудын хамтаар гарын үсэг зурлаа.
“Атар-4 тариалангийн тогтвортой хөгжлийн аян” нь Засгийн газрын газар тариалангийн үйлдвэрлэл болон түүхий эд, бүтээгдэхүүний боловсруулахад мал аж ахуй, хүнсний үйлдвэрийн чиглэлээр хүүгийн дэмжлэгтэй хөнгөлөлттэй зээл олгох шийдвэрийн хүрээнд эхэлсэн. М банкны зүгээс уг аянд нэгдсэнээр хөдөө аж ахуйн үйлдвэрлэлийн чиглэлээр үйл ажиллагаа эрхэлдэг иргэн, аж ахуйн нэгжийн үйлдвэрлэлийг дэмжих зорилгоор үйлдвэрлэлийн хүчин чадлыг нэмэгдүүлэх, ашиглалтыг сайжруулахад хөрөнгө оруулалтын зээл олгох, мөн тус чиглэлээр үйл ажиллагааг тогтвортой явуулахад шаардлагатай эргэлтийн хөрөнгийн зээл олгох, дахин санхүүжүүлэх боломжтой болж байна.