Төлөөлөн удирдах зөвлөлийн үйл ажиллагааны танилцуулга

М банкны ТУЗ нь Монгол Улсын холбогдох хууль тогтоомж, Монголбанкнаас баталсан журам, заавар, банкны дүрэм, Компанийн Засаглалын Кодекс, ТУЗ-ийн үйл ажиллагааны журам болон бусад холбогдох эрх зүйн актыг мөрдөн компанийн зохистой засаглалыг хэрэгжүүлэн үйл ажиллагаа явуулдаг болно. М банкны хэмжээнд хийгдэх их хэмжээний болон сонирхлын зөрчилтэй аливаа хэлцлийг Монгол Улсын Компанийн тухай хууль, М банкны Дүрэм, холбогдох журам, зааврын дагуу хянаж, зөвшөөрөл олгодог. ТУЗ-ийн хараат бус гишүүдийн урамшууллыг Монгол Улсын Компанийн тухай хуулийн 62.1 дүгээр зүйлийн 62.1.13, Банкны тухай хуулийн 29 дүгээр зүйлийн 29.2.9 дэх заалтууд болон М Банкны “ТУЗ-ийн үйл ажиллагааны журам”-ын 3 дугаар зүйлийн 3.3.3 дэх хэсэгт заасны дагуу Хувьцаа эзэмшигчдийн хурлаар баталдаг болно.

Төлөөлөн удирдах зөвлөлийн дэргэдэх хороод

ТУЗ нь дэргэдээ Аудитын, Эрсдэлийн удирдлага, тогтвортой хөгжлийн болон Засаглал, нэр дэвшүүлэх асуудал хариуцсан нийт 3 хороодтой бөгөөд хороод тус бүр нь ТУЗ-өөс баталсан үйл ажиллагааны журмын дагуу ажилдаг болно.