Та олон нийтийн газрын үнэгүй, нээлттэй Wi-Fi-ийг ашиглаж байсан уу? Хэрэв ямар нэг хувийн мэдээлэл тань алдагдаагүй бол та азтай байна. Гэхдээ байнга ийм азтай байхгүйг санах хэрэгтэй. Учир нь нийтийн Wi-Fi бол хакеруудын хувьд онгойлоход хялбар цоож л гэсэн үг. М-ийн найзууд нь таны мэдээллийн аюулгүй байдлыг хамгаалах M secure цувралын энэ дугаарт нийтийн Wi-Fi ашиглах аюулгүй байдлын зөвлөгөөг онцолж байна.

Хакеруудын ашигладаг нийтлэг аргууд
“Man-in-the-Middle” халдлага: Төхөөрөмж болон сервер хоёрын хооронд нэвтэрч, таны цахим харилцааг чимээгүй ажиглан хувийн мэдээллийг тань хулгайлах боломжтой.
Хуурамч Wi-Fi: Жинхэнэ Wi-Fi сүлжээтэй төстэй нэртэй (жишээ нь "Coffee_Shop_WiFi_Free") хуурамч сүлжээ үүсгэж, холбогдсоны дараа бүх мэдээллийг тань татаж авдаг. Хакер таны харилцааг хянахаас гадна төхөөрөмжид тань хортой программ (malware) ч суулгах эрсдэлтэй.

Өөрийгөө хэрхэн хамгаалах вэ?
-VPN (Virtual Private Network) ашиглах
-Auto-join буюу Wi-Fi-ийн автомат холболтыг унтраах
-Нийтийн Wi-Fi сүлжээнд зайлшгүй холбогдсон үед банкны гүйлгээ хийх, картын дугаар, нууц үг оруулах зэрэг үйлдэл хийхгүй байх
-Ашиглаж дууссаны дараа “Forget this network” тохиргоог хийж, төхөөрөмжөө сүлжээнээс гаргаж хэвшээрэй.