Монгол Улсын Засгийн Газар, Монголын Үндэсний Худалдаа Аж Үйлдвэрийн Танхимаас Монгол Улсын 2025 оны ТОП-100 аж ахуйн нэгжийг тодруулж М банк шилдэг аж ахуйн нэгжийн нэгээр тодорлоо.

М банкны Тэргүүн дэд захирал Д.Бат-Очир “М банк Монгол Улсын ТОП-100 аж ахуйн нэгжийн нэгээр шалгарсанд баяртай байна. 2025 он М банкны хувьд үйл ажиллагаагаа илүү өргөжүүлэн, тогтворжуулсан жил байсан бөгөөд бид олон улсын зах зээлд анхны бондоо гаргаж, харилцагч төвтэй бүтээгдэхүүн үйлчилгээнүүдийг нэлээдгүй гаргасан. Цаашдаа ч энэ амжилтаа ахиулж, Монгол Улсын эдийн засгийн хөгжилд хувь нэмрээ оруулсан хариуцлагатай аж ахуйн нэгж байхыг хичээн ажиллах болно” гэж хэллээ.
Энэхүү шалгаруулалтыг аж ахуйн нэгжийн борлуулалтын орлого, төлсөн татварын дүн, даатгуулагчийн тоо, ашгийн хэмжээ, хөрөнгийн хэмжээг харгалзан тогтоодог бөгөөд М банкны хувьд үйл ажиллагаагаа явуулж эхэлсэн 4 дэх жилдээ энэхүү шагналыг хүртсэн нь томоохон амжилт байлаа.