М банк нийт хөрөнгийн хэмжээгээрээ Зүүн Өмнөд Азид тэргүүлэх байр суурь эзэлдэг, Сингапурын хамгийн том банкуудын нэг болох DBS Bank-нд CNY (юань)-ийн корреспондент данс нээлээ. Ингэснээр харилцагчид маань дэлхийн өнцөг булан бүрд юаниар илүү хурдан, хямд гүйлгээ хийх боломжтой боллоо.

Азийн томоохон санхүүгийн төвүүдэд өргөн сүлжээтэй DBS банктай эхлүүлсэн энэхүү түншлэл нь М банкны олон улсын төлбөр тооцооны сүлжээг өргөжүүлэхээс гадна, валютын гүйлгээ, хөрвөх чадварын удирдлага болон мөнгө угаахтай тэмцэх хяналтын тогтолцоог олон улсын жишигт нийцүүлэн уялдуулж буй стратегийн чухал алхам болж байна.