Банкны санхүү, нягтлан бодох бүртгэл, төлбөр тооцоо, тайлагналын үйл ажиллагааг Санхүү хариуцсан захирлын харъяа Санхүүгийн удирдлагын нэгж, Санхүүгийн бүртгэл, тайлангийн нэгж, Төлбөр тооцоо, үйл ажиллагааны нэгжүүдээр дамжуулан зохион байгуулдаг ба дараах үндсэн чиг үүрэг бүхий хяналтууд хэрэгждэг. Үүнд:

- Банкны нягтлан бодох бүртгэлийн бодлогын баримт бичгийг Монгол улсын хууль, Монголбанкны заавар, журам, СТОУС, НББОУС-д нийцүүлэн тодорхойлж, банкны үйл ажиллагаанд хэрэгжүүлэх, санхүүгийн бүртгэл тайлангийн үнэн зөв, ил тод, тасралтгүй байдлыг хангах;

- Нягтлан бодох бүртгэл хөтлөлт, санхүүгийн тайлагналын зорилгоор Банкны суурь бүртгэлийн системийн үнэн зөв байдалд өдөр тутам хяналт тавьж, дотоод хяналтын системийн тасралтгүй, найдвартай ажиллагааг ханган ажиллах, нягтлан бодох бүртгэл, төлбөр тооцооны үйл ажиллагааны эрсдэлийг бууруулах, хянах чиг үүргийг хэрэгжүүлэх;

- Банкны санхүүгийн тайланг СТОУС-д нийцүүлэн бэлтгэх, хөндлөнгийн аудитын байгууллагаар баталгаажуулах, банкны гадаад, дотоод мэдээлэл хэрэглэгчдийг үнэн зөв, найдвартай мэдээллээр хангах;

- Санхүү, хөрөнгө оруулалтын төлөвлөлт, банкны төсвийн удирдлагыг үр ашигтайгаар зохион байгуулах, санхүүгийн шинжилгээнд үндэслэн оновчтой шийдвэр гаргахад дэмжлэг үзүүлэх, удирдлагын мэдээллийн системийн тасралтгүй байдлыг хангах.